Nazarboyev Osiyo mamlakatlarining taqdiri umumiy ekanligini ta'kidladi

Qozog‘iston prezidenti Nursulton Nazarboyev Osiyo mamlakatlarining taqdiri umumiy  ekanligini ta'kidladi. Bu haqida davlat rahbarining matbuot xizmati ma'lum qildi. 

U Qozog‘iston bilan do‘stlashish bo‘yicha yapon Parlament ligasi a'zolarining Takeo Kavamuro raisligida bo‘lib o‘tgan uchrashuvida shu haqida so‘zladi. 

Nazarboyev Qozog‘istonga ko‘rsatilayotgan qo‘llab-quvvatlash hamda hamkorlikni rivojlantirish yo‘lidagi sa'y-harakatlar uchun Yaponiyaga minnatdorchilik bildirdi. 

Shuningdek u qozoq-yapon hamkorligining barcha yo‘nalishlarda rivojlanishiga alohida e'tibor qaratdi. 

"Biz uchun bundan keyin ham Yaponiya bilan munosabatlarni rivojlantirish muhimdir. Biz - Osiyo mamlakatlarining taqdiri umumiydir", - deya ta'kidladi prezident. 

Kavamura Qozog‘istonni 2017-2018 yillar uchun BMT Xavfsizlik kengashining doimiy bo‘lmagan a'zoligiga saylanishi bilan tabrikladi va mamlakat bu yo‘lda yadroviy qurolsizlanish hamda uni tarqatmaslik ishiga yanada katta hissa qo‘shishi mumkinligini aytdi.