09:55 / 16.11.2016
5144

Rossiya va Ukraina terma jamoalari o‘z maydonlarida o‘rtoqlik uchrashuvi o‘tkazdi

Foto: championat.com

Futbol bo‘yicha Rossiya milliy terma jamoasi Ruminiya bilan nazorat uchrashuvini o‘tkazdi. Uchrashuv Grozniy shahridagi «Axmat-Arena»da bo‘lib o‘tdi va mezbonlar foydasiga hal bo‘ldi. 

Deyarli teng kuchlar ostida kechgan o‘yinning qo‘shib berilgan daqiqalarida Magomed Ozdoyevning urgan goli hisobiga Rossiya termasi kichik ustunlik bilan g‘alaba qozondi. 

Ayni vaqtda, Ruminiya termasi FIFA reytingida 34-o‘rinda, Rossiya 53-o‘rinda. 

Ukraina milliy terma jamoasi Xarkov shahridagi «Metallist» stadionida Serbiya termasini qabul qildi. Uchrashuv Andrey Shevchenko shogirdlarining 2:0 hisobida ustun kelishi bilan yakunlandi. 

O‘yindagi birinchi golni 38-daqiqada yarimhimoyachi Yevgeniy Shaxov kiritgan bo‘lsa, 86-daqiqada hujumchi Andrey Yarmolenko penalti ishlab, uni o‘zi amalga oshirdi. 

Rossiya – Ruminiya 1:0 (0:0, 1:0)
Gol: 1:0 – 90 Ozdoyev.
Rossiya – Akinfeyev, Kutepov, Kudryashov (Novoseltsev, 84), Semenov, Jirkov (Ozdoyev, 46), Glushakov, Miranchuk (Poloz, 61), Zobnin, Mogilevets (Yeroxin, 68), Samedov, Kokorin.
Rumyniya – Pantilimon, Latovlevich (Filip, 66), Sepunaru, Grigore (Tsyru, 90), Prepelitse, Enake, Marin, Rotaryu, Grozav (Popa, 83), Andone, Stanku (Nedelku, 90).
Ogohlantirish: Prepelitse (71).

Ukraina – Serbiya 2:0 (1:0, 1:0)
Gollar: 1:0 – 38 Shaxov, 2:0 – 87, penalti Yarmolenko.
Ukraina – Boyko, Krivtsov, Ordets, Butko, Fedetskiy, Shaxov (Zinchenko, 77), Malyshev, Tsygankov (Yarmolenko, 65), Sidorchuk (Rotan, 46), Karavayev (Petryak, 46), Zozulya (Besedin, 62).
Serbiya – Raykovich (Yovanovich, 46), Toshich (Maksimovich, 83), Mitrovich, Peychinovich, Mladenovich, Toshich (Markovich, 46), Gudel, Katai (Mitrovich, 69), Radoya, Ignovski (Ivanovich, 77), Pavlovich (Peshich, 46).
Ogohlantirishlar: Zozulya (61), Rotan (79), Ivanovich (87).

Top