Moskvada o‘rta osiyolik ayol juda katta miqdordagi geroin bilan ushlandi

Moskvada politsiya xodimlari shaharda yashovchi ayoldan 9 kg geroin moddasini topishgan. Giyohvand vosita uning ijaradagi uyida aniqlandi, deb xabar qilmoqda TASS RF IIV rasmiy vakiliga asosan.

"Tekshiruv davomida politsiyaning narkotik moddalar aylanishini nazorat qilish bo‘limi xodimlari va uchastka inspektorlari O‘rta Osiyo davlatlaridan birining fuqarosi bo‘lgan 26-yoshli ayolni qo‘lga olishdi. U giyohvand moddalar tarqatishda gumon qilinmoqda. Ayolning uyida 9 kg taqiqlangan vositalar topildi", - degan vakil.

Ma'lumotlarga ko‘ra, jinoyatchining uyida geroinli bir necha o‘ram, polietilen paketlar, to‘rtta kofe maydalash uskunasi va elektron tarozilar aniqlangan.

"Ayol narkotik moddalarni noma'lum shaxslardan xarid qilib, uni o‘ramlarga joylab chiqqan va xaridorlarni qidirish bilan shug‘ullangan", - deya ta'kidlab o‘tdi IIV vakili. 

Xabar qilinishicha, ushbu holat yuzasidan jinoyat ishi qo‘zg‘atildi.