Daniya IShIDga qarshi operatsiyada ishtirok etayotgan samolyotlarini ortga chaqirtirib olmoqda

Daniya hukumati avval qabul qilingan qarorlarga ko‘ra, dekabr o‘rtalarida xalqaro koalitsiyaning IShIDga qarshi kurashida ishtirok etayotgan o‘z qiruvchi va transport samolyotlarini ortga chaqirtirib oladi va shu bilan birga Iroqqa muhandislik va quruvchilik ishlarida maslahat berish bilan yordamini kengaytiradi. Bu haqda Daniya hukumatining matbuot uchun bergan xabarida aytib o‘tildi

Avvalroq OAV Daniya hukumati 17 sentabrda suriyalik harbiylarga berilgan aviazarbadan keyin IShIDga qarshi operatsiyada ishtirok etayotgan 7 ta F-16 samolyotini chaqirtirib olishni rejalashtirayotganini ma'lum qilgandi.  

"Daniya koalitsiyaga yangi ko‘mak taklif qilmoqda, shu tariqa maslahat yordamini 150 ga yaqin mutaxassis amalga oshiradi. 2017 yilda hukumat koalitsiyaga ko‘rsatayotgan yordamini saqlab qoladi, biroq rejalashtirilgandek, aviatsiyani ortga chaqirtirib oladi", deb aytdi Daniya tashqi ishlar vaziri Anders Samuelsen.

Daniya parlamenti Iroq va Suriyaga 7 ta qiruvchi va bitta transport samolyotini yuborish haqidagi qarorni 2016 yil aprelda bu missiya kamida 6 oy ichida tugashini hisobga olgan holda qabul qilgandi. Bundan tashqari, Daniya Iroqning jangarilardan ozod qilingan va Suriyadagi muxolifat kuchlari nazoratida bo‘lgan hududlarga fuqarolik ko‘magini amalga oshiradi.