Britaniyalik mashhur fizik Stiven Xoking aynan hozir Yerda eng qo‘rqinchli davr kelganini aytdi. Bu haqda The Guardian nashri xabar bermoqda.
Uning fikricha, bu elita bilan qolgan odamlar o‘rtasida katta farq vujudga kelgani bilan bog‘liq va bu farq yangi texnologiyalar sababli kattalashishda davom etmoqda. Yuzaga kelgan vaziyat internet va onlayn-platformalar ta'siri sababli jiddiy tus olmoqda.
"Internet va boshqa onlayn-platformalar kichik guruhdagi odamlarga ishga kam sondagi odamlarni qabul qilib, katta daromad olishga imkon beradi. Bundan qochib bo‘lmaydi, bu taraqqiyot, biroq bu jamiyatni barbod qiladi", deb aytmoqda olim. Xoking yuqoridagi barchasini taraqqiyot deb atamoqda, biroq bu ijtimoiy barbod qiluvchi hodisalar ekanini ta'kidlab o‘tmoqda.
Bundan tashqari, olim Buyuk Britaniyaning Yevropa Ittifoqidan chiqishi bo‘yicha referendum va AQShdagi prezidentlik saylovlari natijalari "elitalari fuqarolaridan ancha olislab ketgan" fuqarolar qarshiligi sababli vujudga kelganini aytdi.
Olimning ta'kidlashicha, iqtisodiy muhojirlar soni aholining boy qatlamlari o‘z boyliklarini ko‘z-ko‘z qilayotganlari, kambag‘al odamlar esa buni ko‘rayotganlari sababli oshmoqda.
Xokingning fikricha, bu vaziyatdan chiqishning yagona yechimi butun insoniyatning birlashishidan iborat.
Mashhur olim Stiven Xoking shifoxonaga tushib qoldi
