JARda ruhoniy kishilarni motor moyi ichishga majburladi

Janubiy Afrikada ruhoniy maxsus marosimda o‘z izdoshlarini motor moyi ichishga majburlagani tasvirlangan fotosuratlar katta janjalni keltirib chiqardi. Bu haqda The Star nashri xabar bermoqda.

Hodisa JAR shimoli-sharqidagi Deyviton qishlog‘ida ro‘y bergan. Facebook’dagi nasroniy tashkilotlardan birining sahifasida taqdim etilgan suratlarda ruhoniy Teo Bongani Maseko diniy marosimga kelgan kishilarga Chevron motor moyini ichirayotganini ko‘rish mumkin.

Uning The Star jurnalistiga ma'lum qilishicha, shu tariqa Parvardigor kuchini ko‘rsatmoqchi bo‘lan. «Biz duo qilganimizda, zahar o‘ladi hamda kishilarga zarar yetkaza olmaydi, — tushuntirdi Maseko. — Hech nima bo‘lgani yo‘q, hech kim kasalxonaga yotqizilmadi». 

Diniy, madaniy va tilshunoslik jamiyatlari huquqini himoya qilish va ilgari surish bo‘yicha komissiya raisi Toko Mxvanazi-Zaluva esa «qachondir bunday kishilar halok bo‘ladi. Biz bu ro‘y bermaganidan xursand bo‘lishimiz kerak», - deya ma'lum qildi.

Chevron’ning JARdagi vakolatxonasi ham motor moyini ichish mumkin emasligini eslatib o‘tdi. «Bunday mahsulotlar osonlik yonadi va iste'mol qilinganda katta xavf keltirib chiqaradi», - deyilgan kompaniya bayonotida.