Toshkentdagi ba'zi tumanlarda ikki kun davomida ichimlik suvi bo‘lmaydi yoki uning bosimi pasayadi

Toshkentdagi ba'zi tumanlar aholisi yaqin ikki kun davomida ichimlik suvisiz qolishi mumkin, deb xabar berdi shahar hokimiyati matbuot xizmati.

Ichimlik suvi bosimining pasayishi va bo‘lmasligi 26 yanvar kuni tonggi soat 5.00 dan 28 yanvar kuni tonggi soat 5.00 ga qadar kutilmoqda. Bu Bog‘ishamol va Yangishahar ko‘chalari oraligida yangi avtoyo‘l xamda Bo‘zsuv kanali bilan kesishgan joyda ko‘prik qurilishi sababli ro‘y beradi. Bundan tashqari, Bo‘zsuv bosh suv inshooti xududida diametr 1200 mm. suv tarmog‘ini qayta qurish va ulash ishlarini olib boriladi.

1. Suv bo‘lmaydi:

Olmazor tumani bo‘yicha: B-1 mavzesidagi mahalla Chustiy, B-3 mavzesidagi  mahalla Alisher Navoiy.  Markaz 17, 18 mavzesidagi  Sebzor, Yangi Sebzor, Taxtapul mahallalarida. Beruni maydoni, Xoncharbog‘, Aloqa, Farobiy, Chimboy-2, Qorasaroy, Guzarboshi, Qo‘shtut, Allon, Eski Shahar, Qumloq, Hofiz Kuxakiy, Abu Bakr, Istiqlol mahallalarida. Abdulla Qodiriy ko‘chasi  Sebzor ko‘chasidan Farobiy va Chig‘atoy darvozasigacha, Farobiy, Mirzo G‘olib ko‘chalarida, Beruniy ko‘chasidagi Non ishlab chiqarish zavodida, Talabalar shaharchasida.

Shayxontohur tumani bo‘yicha: Markaz 26, 27, 28 mavzelaridagi Gulobod, Bog‘ko‘cha, Sarhumdon mahallalarida. Qoratosh, Chaqar, Chorsu, Yangi Kamolon, Huvaydo, Gulbozor, Suzukota, Islomobod, Oqilon, Shofayz, Yangishaxar, Obinazir, Koxota, O‘zbekiston, Taxtapul, Katta Hovuz mahallalarida. 1-Bolalar yuqumli kasalliklar shifoxonasida, Navoiy ko‘chasi Samarqand Darboza ko‘chasidan Furqat ko‘chasigacha, Samarqand Darboza ko‘chasi Navoiy ko‘chasidan Termiz ko‘chasigacha, 1-Shahar klinik shifoxonasi va tug‘ruqxonasida, Toshkent Davlat Tsirkida, Chorsu bozorida, JAR sport kompleksida, Abror Hidoyatov nomidagi va Milliy Akademik Drama Teatrlarida.

Yunusobod tumani buyicha: Jomiy mahallasi, Naqshbandiy, Mukaramma Turg‘unboyeva, Mirtemir, Taxtapul darvozasi, Bog‘cha ko‘chalarida. Bog‘iravon, Gulg‘uncha, Avaz O‘tar tor ko‘chalari bilan Bo‘zsuv mahallasidagi Bog‘ishamol 2,2a ko‘p qavatli uylarida, Ming O‘rik 1,2 tor ko‘chalarida. Obod mahallasidagi Namangan, Bog‘ishamol, Qizilqo‘rg‘on, O‘rtasaroy, Mashinasozlar, Gulbog‘ ko‘chalarida, Chamanzor ko‘chasi tor ko‘chalari bilan.

2. Suv bosimi pasayadi:

Olmazor tumani bo‘yicha: Bobojonova, Nodira ko‘chalarida.

Shayxontohur tumani bo‘yicha:  Markaz-15, Beshyog‘och mavzesida, Koxota mahallasida, 3- Tuman Issiqlik  Qozonxonasida.

Yunusobod tumani bo‘yicha: 4- Tuman Issiqlik Qozonxonasida.

Uchtepa tumani bo‘yicha: 5- Tuman Issiqlik qozonxonasida, Shayxzoda, Farxod, Qurilish ko‘chalarida, Lutfiy ko‘chasi Farxod ko‘chasidan Xirmontepa ko‘chasigacha, Xirmontepa ko‘chasi Farxod ko‘chasidan Shirin ko‘chasigacha.

Suv bo‘lmagan joylarga suv tashuvchi maxsus avtomashinalar yuboriladi.