Video: Yordamga muhtoj bo‘lmagan o‘t o‘chiruvchilarga yordamga shoshilgan yigit kulgiga qoldi

Chilida ayni vaqtda o‘rmon yong‘inlariga qarshi kurash davom etmoqda. Bir necha haftadan buyon mamlakat markazi va janubidagi hududlar olov ichida qolgan.

Mahalliy ishchilardan biri olovli hududdan chiqib kelayotgan o‘t o‘chiruvchilarni ko‘rganida ularga yordam berishga oshiqadi va ularning yo‘lidagi panjarali to‘siq eshigini buzish uchun zo‘r berib urinadi. Lekin keyin ma'lum bo‘lishicha bu to‘siqning eshigi qulflangan bo‘lsada, uni aylanib o‘tish mumkin edi. Yosh yigit bor kuchi bilan eshikni buzishga urinayotganida ichkaridagi o‘t o‘chiruvchilar panjarali devorning ochiq qismidan o‘tib chiqib kelishadi. Qahramonlik qilishga harakat qilgan yigit esa ijtimoiy tarmoqlarda yengil kulgiga sabab bo‘ldi.