So‘rov: Amerikaliklarning 50 foizidan ortig‘i Trampning prezidentlikdagi birinchi oyidan norozi

Amerikaliklarning yarmidan ortig‘i Donald Trampning AQSh prezidentligidagi birinchi oyda amalga oshirgan ishlaridan norozi bo‘ldi. Bu Hill nashri buyurtmasiga ko‘ra o‘tkazilgan so‘rovnomada aks etgan.

NBC News/Survey Money tadqiqot kompaniyasi o‘tkazgan so‘rovnomaning ko‘rsatishicha, ishtirokchilarning 54 foizi Trampdan noroziligini, 43 foizi esa prezident ishidan qoniqish hosil qilganini bildirgan.

So‘rovnomada hukumat faoliyati haqida ham so‘ralgan. So‘raluvchilarning 42 foizi hukumat faoliyatidan noroziligini ma'lum qilgan, 32 foizi esa aksincha fikrda.

Trampdan prezidentligining ilk haftasida 7 davlat (Eron, Iroq, Yaman, Liviya, Suriya, Somali va Sudan) fuqarolarining kirishini vaqtinchalikka cheklash bo‘yicha farmonini imzolagani bo‘yicha fikrlar ham o‘rganilgan.

So‘rovnoma ishtirokchilarining yarmidan ko‘prog‘i bu qarorni to‘g‘ri deb bilgan, 47 foiz kishi bu qarorni ortga yo‘l deb baholagan.

So‘rovnoma 13-19 fevral kunlari davomida o‘tkazilgan, unda 11,5 ming kishi ishtirok etgan.