Janubiy koreyalik mutaxassislar IUTdagi o‘quv jarayoni bilan yaqindan tanishishdi

Koreya Respublikasidagi Inha universiteti mutaxassislari Toshkent shahridagi Inha universiteti (IUT) dagi o‘quv jarayonini o‘rganib, tahlil qilish uchun O‘zbekistonga tashrif buyurdilar. Bu haqda IUT Axborot xizmati xabar bermoqda. 

Delegatsiya tarkibidan Koreya Respublikasidagi Inha universitetining ta'lim bo‘yicha qo‘mita vakillari o‘rin olishdi.

IUTga tashrif davomida Janubiy Koreyalik mutaxassislar Toshkent shahridagi Inha universitetidagi o‘quv jarayonini o‘rganishdi. Tekshirish natijalariga ko‘ra Koreya Respublikasidagi Inha universitetining ta'lim bo‘yicha qo‘mita vakillari IUTdagi o‘quv standartlariga yuqori baho berdilar hamda ilm dargohida o‘quv jarayonini yanada takomillashtirish bo‘yicha o‘z tavsiyalarini berishdi.

Mazkur tashrif doirasida Koreya Respublikasidagi Inha universiteti delegatsiyasi o‘quv jarayonida foydalanish uchun 100 xil nomdagi o‘quv adabiyoti va laboratoriya uskunalarini topshirishdi.