Yaponiyada qutqaruvchilar vertolyoti halokatga uchradi

Bortida to‘qqiz nafar qutqaruvchisi bo‘lgan Yaponiyaning tog‘ qutqaruv xizmati vertolyoti 5 mart kuni halokatga uchradi. Mahalliy nashrlarning xabar berishicha, buning oqibatida uch kishi halok bo‘lgan.

Politsiya aviatsiya yordamida Nagano prefekturasidagi tog‘larda qulagan vertolyot joyini aniqlagan.

Shu bilan birga, odamlarning halok bo‘lgani rasmiy ravishda tasdiqlanmagan.

Ma'lumotlarga ko‘ra, halokatga uchragan vertolyot tog‘ sharoitida qutqaruv ishlarini olib borish mashg‘ulot parvozida bo‘lgan.