Iroq xavfsizlik kuchlari Mo‘suldagi eng asosiy hukumat binosini o‘z nazoratiga qaytardi

Iroq xavfsizlik kuchlari Mo‘suldagi asosiy hukumat binosini IShID jangarilaridan ozod qildi. Bu haqda Reuters Iroq IIV nufuzli bo‘linmasi vakiliga asosan xabar berdi.

Xabar qilinishicha, tez harakatlanish guruhi Mo‘sulning Naynava viloyati hukumati binosi, shuningdek unga yondosh bo‘lgan majmua binolarini qattiq hujum yordamida egallagan.  

Bo‘linma vakilining so‘zlariga ko‘ra, hujum vaqtida o‘nlab terrorchilar o‘ldirilgan.

Agentlik ma'lumotiga ko‘ra, ma'muriy binoni qo‘lga kiritish Iroq hukumat qo‘shinlarining Mo‘suldagi amaliyotida navbatdagi muhim qadamdan darak beradi - ular jangarilarga hujum qilish uchun strategik jihatdan muhim bo‘lgan obektlarni qo‘lga kiritishdi.