Hongkongda 1 tonnadan ortiq quritilgan nahang qanotlari musodara qilindi

Xitoyning Hongkong ma'muriy tumani bojxona xizmati salkam 1280 kg quritilgan nahang qanotlarini musodara qildi, deb xabar qilmoqda Sinxua agentligi.

Xabarlarga ko‘ra, quritilgan qanotlar Hongkongga Keniya, Peru, Hindiston va Misrdan kelgan 4ta konteynerda bo‘lgan. Ular yo‘qolib ketish ostonasida turgan uzunqanotli va to‘mtoqboshli nahanglarga tegishli bo‘lgani aniqlangan. 

Mahsulotlar Kuychun bojxona punktida musodara qilingan. Maxsus amaliyot Hongkong qishloq xo‘jaligi, baliqchilik va atrof-muhitni muhofaza qilish departamenti va bojxona xizmati bilan hamkorlikda amalga oshirilgan. Hozirda surishtiruv ishlari olib borilmoqda.