Paralimpiya Assotsiatsiyasi Andijon viloyati bo‘limiga rahbar saylandi

Joriy yilning 8 mart kuni Andijon shahrida O‘zbekiston Milliy Paralimpiya Assotsiatsiyasi raisining birinchi o‘rinbosari Umid Axmadjonov boshchiligida bo‘lib o‘tgan hisobot-saylov anjumanida Assotsiatsiyaning Andijon viloyati bo‘limi rahbariyatining yangi tarkibi saylandi.  

«Kun.uz» manbasi ma'lumot berishicha, O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti Andijon viloyati boshqarmasi boshlig‘i Bekzod Qoraboyev bir ovozdan Andijon viloyati bo‘limining yangi raisi etib saylangan. «Baxt imkon rivoj» fermer xo‘jaligi rahbari Faxriddin Ismoilov esa uning birinchi o‘rinbosari etib saylangan.

Anjumanda O‘zbekiston Milliy Paralimpiya Assotsiatsiyasi Andijon viloyati bo‘limining 2013−2016 yillardagi hisoboti tinglanib, kelgusidagi maqsad va vazifalar belgilab olingan.