Andijon viloyat bojxona boshqarmasining «Doʻstlik» chegara bojxona postida koʻp miqdordagi valyutani noqonuniy ravishda chetga olib chiqib ketishga urinish fosh boʻldi.
Maʼlum qilinishicha, bojxona xodimlari chegara vakillari bilan hamkorlikda Oʻzbekistondan Qirgʻizistonga chiqib ketayotgan «Volvo» rusumli transport vositasi haydovchisini bojxona nazoratidan oʻtkazish jarayonida shubha ostiga olgan.
Bojxona tekshiruvi chogʻida ogʻzaki soʻrovda maʼlum qilinmagan va belgilangan tartibda deklaratsiyalanmagan, haydovchining qoʻl sumkasi hamda kiyimining ichki choʻntak qismiga yashirilgan 34 ming AQSH dollari borligi aniqlangan.
Hozirda mazkur holat yuzasidan surishtiruv ishlari olib borilmoqda.
