Bugungi kunda Qoraqalpog‘iston Respublikasining Nukus tumani hududida jami 50 ming 33 fuqaro istiqomat qilmoqda. Shundan 18 yoshgacha bo‘lgan o‘smirlar soni 16 ming 949, 18-30 yosh orasidagi fuqarolar soni esa 12 ming 386 nafarni tashkil etadi, deya xabar bermoqda Kruz.uz "Aqamang‘it tani" nashriga asosan.
Tuman hududida 2017 yilning 1 oy va 20 kuni davomida 9 jinoyat, ya'ni o‘zganing mulkini yashirin tarzda talon-toroj qilish, noqonuniy tarzda ov qurollarini saqlash, 16 yoshga to‘lmagan shaxs bilan jinsiy aloqada bo‘lish, yo‘l harakati qoidalarini buzish, aldash yo‘li bilan o‘zgalarning mulkiga egalik qilish, bosqinchilik kabi jinoyatlar yuz bergan.
