Bosh prokuratura huzuridagi Departament maʼlumotiga koʻra, tezkor tadbir uning Qonlikoʻl tumani boʻlimi va boshqa huquqni muhofaza qiluvchi organlar xodimlari hamkorligida oʻtkazilgan.
Tadbirda Nukus shahridagi maktabgacha taʼlim muassasasi direktori K.R. fuqaro G.R.ni logoped vazifasiga ishga qabul qilganlik evaziga olinishi koʻzda tutilgan 20 million soʻmni direktor oʻrinbosari R.K. xizmat xonasida olayotgan vaqtda ashyoviy dalillar bilan ushlangan.
Departamentga koʻra, oʻrinbosar pulni direktorning topshirigʻi asosida olgan.
Mazkur holat yuzasidan Jinoyat kodeksining 210-moddasi - pora olish bilan jinoyat ishi qoʻzgʻatilib, tergov harakatlari olib borilmoqda.
