Niderlandiyadagi parlament saylovlarining dastlabki natijalari e'lon qilindi

15 mart kuni Niderlandiyada o‘tgan parlament saylovlarining dastlabki natijalari e'lon qilindi. 

Saylovlarda mamlakat bosh vaziri Marka Ryuttening "Ozodlik va demokratiya uchun xalq partiyasi" (VVD) yetakchilik qilmoqda va parlamentdagi 150 ta o‘rindan 32 ta o‘rinni oladi. Biroq bu natija bosh vazir uchun o‘ziga xos mag‘lubiyat sanalishi mumkin, chunki avvalgi parlament saylovlarida uning partiyasi 41 ta o‘rin olgandi. 

Saylovlarda muhojirlar va yagona Yevropa Ittifoqi uchun qarshi chiqayotgan "Ozodlik partiyasi" yetakchi bo‘la olmadi. U parlamentda faqatgina 19  ta o‘ringa da'vogarlik qilishi mumkin. Xuddi shunday natijaga yana 3 ta partiya erishdi.

Saylovlar Yevropa yetakchilari tomonidan sinchkovlik bilan kuzatildi va ular Ryutteni g‘alaba bilan qutlashdi hamda Yevropa Ittifoqiga shubha bildirayotganlarning mag‘lubiyatidan quvonayotganlarini yashirishmadi.

Saylovlardagi davomat 81 foizni tashkil qilgan va bu Ikkinchi jahon urushidan keyingi rekord natija bo‘ldi.

Niderlandiya parlamenti quyi palatasi 4 yilga saylanadi va 150 ta o‘rindan iborat. Aynan quyi palata qonunchilik tashabbusi bildirish va qonunlarga o‘zgarishlar kiritish huquqiga ega. Mamlakat hukumati parlamentdagi ko‘pchilik asosida shakllantiriladi. 
Partiyalardan birortasi mutlaq ko‘pchilikni (76 o‘rin) tashkil qila olmagani sabab ular yetakchi koalitsiyaga birlashishlari kerak bo‘ladi.