JCh-2018 saralashi, Konmebol. Braziliya yaqqol peshqadam (jadval)

23 mart oqshomida JCh-2018 saralashi, Janubiy Amerika mintaqasida 13-tur uchrashuvlari o‘tkazildi. Tur doirasida 5ta uchrashuv bo‘lib o‘tdi, bu uchrashuvlarda Braziliya Urugvayni yirik hisobda taslim etdi, Argentina Chilidan «qasos oldi», Xamesning goli Boliviyaga qarshi o‘yinda Kolumbiyaga g‘alaba keltirdi, Venesuela Peru bilan o‘yinda 2ta gol ustunligi bilan g‘alaba qozona turib, durang o‘ynadi, Paragvay esa Ekvador ustidan qiyinchilik bilan g‘alaba qozondi.

Braziliya Montevideodagi «Sentenario» stadionida Urugvay darvozasiga 4ta gol yo‘lladi. Endilikda Braziliya 30 ochko jamg‘ardi va saralash musobaqasi jadvalida katta ustunlik bilan yetakchilik qilmoqda. Pentakampionlarga yirik hisobda yutqazgan Urugvay esa 23 ochko bilan ikkinchi o‘rinda.

Argentina esa o‘z maydonida Chilini minimal hisobda mag‘lub etdi. Yagona golni o‘yinning 16-daqiqasida Lionel Messi penaltidan urdi. Argentinaliklar o‘z ochkolarini 22taga yetkazishdi va 3-o‘rinda borishmoqda. Chili esa kutilmaganda 6 pog‘onada (20 ochko).

Kolumbiya Boliviyani kichik hisobda mag‘lub etdi. Barrankileda kechgan bahs kolumbiyaliklar foydasiga 1:0 hisobida yakunlandi. Bellashuvdagi yagona gol Madridning «Real» klubi yarim himoyachisi Xames Rodriges tomonidan 83-daqiqada kiritildi.

Kolumbiya ushbu g‘alabadan so‘ng 21 ochko jamg‘ardi va saralash bosqichi jadvalida uchinchi o‘ringa ko‘tarilib oldi. Boliviya (7 ochko) 10 jamoa ichida 9-o‘rinni egallab turibdi.

Venesuela va Peru terma jamoalari uchrashuvida durang. Venesuela birinchi bo‘limni o‘z foydasiga hal qildi – 2:0, gollar Mikel Vilyanueva (24-daqiqa) hamda Romulo Otero (40) tomonidan kiritildi. Biroq peruliklar ikkinchi bo‘limda hisobni tenglashtirdi - Andre Karrilo (46) va Xose Paolo Gerrero (64) o‘z nomini tabloga yozdirib qo‘yishdi.

Peru terma jamoasi 15 ochko jamg‘ardi va saralash musobaqasi jadvalida 8-o‘rinda qoldi. Venesuela (6 ochko) esa so‘nggi, 10 pog‘onani egallab turibdi.

Paragvay Ekvador ustidan qiyinchilik bilan zafar quchdi. Asunsondagi «Defensores del Chako» stadionida kechgan bahs mezbonlarning 2:1 hisobidagi g‘alabasi bilan yakunlandi.

Paragvay ushbu g‘alabadan so‘ng 18 ochko jamg‘arib, saralash musobaqasi jadvalida 7-o‘rinda joylashdi. Ekvador (20 ochko) esa 4 pog‘onada.

JCh-2018 saralashi
Janubiy Amerika, 13-tur

Urugvay – Braziliya 1:4 (1:1, 0:3)
Gollar: 1:0 – 9, penalti Kavani, 1:1 – 19 Paulino, 1:2 – 52 Paulino, 1:3 – 74 Neymar, 1:4 – 90 Paulino. 
Urugvay – Silva, Godin, Silva, Koates, Pereyra, Rodriges, Arevalo, Vesino, Sanches (Ernandes, 77), Rolan (Stuani, 58), Kavani.
Braziliya – Alisson, Dani Alves, Markinos, Marselo, Miranda, Paulino, Renato Augusto (Fernandino, 82), Koutino (Villian, 86), Kazemiro, Firmino (Diyego Souza, 89), Neymar.
Ogohlantirishlar: Pereyra (35), Kazemiro (45), Marselo (57), Dani Alves (61), Godin (65), Koates (71).

Argentina – Chili 1:0 (1:0, 0:0)
Gol: 1:0 – 16, penalti Messi. 
Argentina – Romero, Otamendi, Mas (Musakko, 46), Merkado (Ronkalya, 77), Roxo, Bigliya, Maskerano, Di Mariya, Aguero (Banega, 58), Iguain, Messi.
Chili – Bravo, Isla, Bosejur, Xara, Fuensalida (Kastilo, 55), Arangis (Paredes, 90), Vargas, Ernandes, Sanches, Medel, Silva (Valdiviya, 70).
Ogohlantirishlar: Arangis (11), Fuensalida (15), Maskerano (18), Iguain (74), Ernandes (86).

Kolumbiya – Boliviya 1:0 (0:0, 1:0)
Gol: 1:0 – 83 Xames. 
Kolumbiya – Ospina, Sapata, Mina, Armero, Torres, Uribe (Sapata, 64), Sanches, Xames, Kuadrado, Bakka (Kardona, 76), Muriel (Kinones, 34).
Boliviya – Lampe, Koimbra, Raldes, Kuelyar (Ribera, 76), Sagredo, Bexarano, Aponte (Guterres, 90), Morales (Arse, 87), Melean, Xustiniano, Moreno.
Ogohlantirish: Aponte (50).

Venesuela – Peru 2:2 (2:0, 0:2)
Gollar: 1:0 – 24 Vilyanueva, 2:0 – 40 Otero, 2:1 – 46 Karrilo, 2:2 – 64 Gerrero. 
Venesuela – Farines, Vilyanueva, Anxel, Felcher, Gonsales, Otero (Machis, 73), Gerra, Murilo (Soteldo, 84), Rinkon, Martines (Errera, 59), Rondon.
Peru – Galese, Rodriges, Yotun (Penya, 78), Trauko, Ramos, Kueva, Tapiya (Akino, 85), Karrilo (Ruidias, 78), Korso, Gerrero, Flores.
Ogohlantirishlar: Murilo (28), Trauko (28), Felcher (44), Ramos (45), Tapiya (73).

Paragvay – Ekvador 2:1 (1:0, 1:1)
Gollar: 1:0 – 12 Valdes, 2:0 – 65 Alonso, 2:1 – 70, penalti Kaysedo. 
Paragvay – Silva, da Silva, Valdes, Alonso, Veron, Riveros, Kaseres (Ortis, 82), Almiron, Iturbe (Peres, 71), Dominges, Leskano (Santander, 64).
Ekvador – Dreyer, Kaysedo, Mina, Ayovi, Valensiya, Noboa (Mena, 88), Orexuela (Oyola, 77), Paredes (Montero, 87), Valensiya, Bolanos, Kaysedo.
Ogohlantirishlar: Noboa (19), Bolanos (27), Riveros (83), Oyola (88).