Tillerson Moskvadagi uchrashuvda «hech narsa hal qilinmagani» haqida gapirdi

AQSh Davlat kotibi Reks Tillerson National Public Radio uchun bergan intervyusida aytib o‘tishicha, uning Moskvaga tashrifi vaqtida hech qanday masalaga javob olinmagan. U Rossiya «global dunyoviy tartibda ijobiy yoki vayronkor rol o‘ynashni istashi» borasida bir to‘xtamga kelishi lozimligini qo‘shimcha qilgan.

«AQSh va Rossiya o‘rtasidagi munosabatlar «sovuq urush» davriga solishtirganda ham yomon holatga kelgan va Moskva bu fikrga qo‘shildi. Biz bu uchrashuvda hech narsani hal qilmadik», — degan u.

Reks Tillerson Moskvaga 11—12 aprel kunlari tashrifini amalga oshirgandi. U prezident Vladimir Putin hamda Tashqi ishlar vaziri Sergey Lavrov bilan muzokaralar o‘tkazgandi.