Yaponiya va Janubiy Koreyada KXDRning navbatdagi sinovidan keyin shoshilinch yig‘ilishlar o‘tkazildi

KXDR tomonidan yana bir raketa sinovi o‘tkazilishi ortidan Yaponiya Milliy xavfsizlik kengashining shoshilinch yig‘ilishini chaqirdi.

Japan Times xabariga ko‘ra, Yaponiya hukumati bosh kotibi Yosixide Suga raketa uchirilishi BMT rezolyutsiyasining qo‘pol ravishda buzilishi ekanini qayd etgan.

Bundan tashqari, Yaponiya TIV diplomatik kanallar orqali KXDRga ushbu holat yuzasidan nota yo‘llagan.

«Yonhap» esa Janubiy Koreya prezidenti Mun Je In ham Milliy xavfsizlik xizmatining shoshilinch yig‘ilishini chaqirgani haqida xabar tarqatdi.

21 may kuni ertalab KXDR yana bir bora raketa uchirdi. NHK telekanali ma'lumotiga ko‘ra, raketa Yaponiya iqtisodiy zonasiga yetib bormay pastlagan.