Foto: Squashka
Sport arbitraj sudi (CAS) «Atletiko»ning apellyatsiyasini qanoatlantirmadi.
Marca xabariga ko‘ra, madridliklar klubi yozgi transferlar vaqtida yangi futbolchilarni tarkibga qo‘shib ololmaydi.
«Atletiko»ga avvalroq voyaga yetmagan futbolchilarni safiga qo‘shib olib, qoidalarni buzgani tufayli 2 transferlar davrida transferlarni amalga oshirishga taqiq qo‘yilgandi.
Madridliklar klubi shu tufayli 2017 yil yanvarida transferlarni amalga oshira olmadi va yozgi transferlar uchun taqiqni bekor qilishni so‘rab, sudga murojaat qilgandi. Ammo arbitraj sudi apellyatsiyani inkor etgan.
Shu tariqa, «Atletiko» o‘z futbolchilarini sotishi, xususan, Antuan Grizmanni «Manchester Yunayted»ga qo‘yib yuborishi ehtimoli kamaydi.
