Bangladeshda kuchli yomg‘ir va ko‘chkilar tufayli qariyb 60 kishi halok bo‘ldi

Bangladesh janubi-sharqida yuz bergan kuchli yomg‘irlar va ko‘chkilar oqibatida halok bo‘lganlar soni 57 kishiga yetdi, deb xabar bermoqda Frans Press agentligi mahalliy hukumatga asosan.

Avvalroq 35 kishi qurbon bo‘lgani xabar qilingandi.

Kuchli yomg‘irdan mamlakatning Rangamati va Bandarban okruglari eng ko‘p zarar ko‘rdi. Jabr ko‘rgan tumanlarda telefon aloqasi ishlamayapti, transport harakati buzilgan. 

Rangamati okrugida ko‘chki yuz berishi tufayli 35 kishi halok bo‘ldi, Bandarban okrugida olti kishi, jumladan, uch nafar bola qurbon bo‘lgan. Chittagong okrugida esa noqulay ob-havo sabab 16 kishi hayot bilan vidolashdi.

Bangladesh favqulodda vaziyatlar bo‘yicha boshqarmasi vakili Reaz Ahmedning ma'lum qilishicha, qutqaruvchilar noqulay ob-havo sabab zarar ko‘rgan, borish qiyin bo‘lgan tumanlarga qarab yo‘l olishgan.

Davlatda musson davri iyun-sentabr oylarida kuzatiladi. Shu bilan birga, kuchli yomg‘irlar tufayli ro‘y beruvchi ko‘chkilar ko‘plab insonlarning hayot bilan vidolashishiga sabab bo‘ladi.

Avvalroq 35 kishi qurbon bo‘lgani xabar qilingandi.