«Real» va Ispaniya termasi sobiq himoyachisi faoliyatini yakunladi

Madridning «Real» klubi va Ispaniya termasi sobiq himoyachisi Alvaro Arbeloa faoliyatini yakunlagani haqida ma'lum qildi. U bu haqda Marca nashriga bergan intervyuda aytib o‘tdi.

«Xayrlashish vaqti keldi. Jismonan o‘ynashga hali tayyor edim. Madrid – mening hayotim jamoasi, hech qachon ularga qo‘ng‘iroq qilib, ish so‘ramayman, biroq takliflarni ko‘rib chiqishga doimo tayyorman», - dedi Arbeloa.

34 yoshli Arbeloa Madridning «Real» klubi tarbiyalanuvchisi hisoblanadi. U shuningdek «Deportivo» (2006-2007) va «Liverpul» (2007-2009) tarkibida ham to‘p surgan. O‘tgan mavsumni esa Arbeloa «Vest Xem»da o‘tkazdi.

Arbeloa jahon chempioni (2010) va ikki karra Yevropa chempioni (2008, 2012) sanaladi. Shuningdek, «Real» bilan YeChLda ikki bor (2014, 2016) zafar quchgan.