Telegram asoschisi: messenjerlarda shifrlashning kuchsizlantirilishi milliy xavfsizlikka tahdid soladi

Messenjerlarda shifrlashning kuchsizlantirilishi mamlakat milliy xavfsizligiga rahna soladi va nafaqat terrorchilar, balki barcha foydalanuvchilarga zarba bo‘lib tushadi. Shu bilan birga, teraktlar tahdidi yo‘q bo‘lmaydi, deya ma'lum qildi Telegram asoschisi Pavel Durov "VKontakte" ijtimoiy tarmog‘idagi sahifasida.

Durov: Telegram’ning to‘sib qo‘yilishi terrorchilarga muammo keltirib chiqarmaydi

"Telegram yoki WhatsApp kabi kommunikatsiya vositalari faqatgina ehtimoliy terrorchilar uchun xavfsiz bo‘la olmaydi. Bunday servislarni shifrlash barcha foydalanuvchilarni birdek himoya qiladi, yoki ularga zarba bo‘lib tushadi. Alohida olingan davlatdagi oxirgi shifrlash o‘n millionlab kishilarni xakerlar hujumi va korrupsiyaga boshi bilan sho‘ng‘igan amaldorlarning shantaj qilishidan himoyasiz qilib qo‘yadi", - deya yozdi Durov.

Telegram asoschisining ma'lum qilishicha, barcha messenjerlarda shifrlashni kuchsizlantirish mamlakatning milliy xavfsizligiga rahna soladi va uni teraktlar xalos eta olmaydi. "Bunday holatda xorijiy maxsus xizmatlar Rossiya fuqarolarining barcha yozishmalarini olishi mumkin bo‘ladi. Shu bilan birga, teraktlar xavfi yo‘qolmaydi – Parijdagi voqealardan ko‘rish mumkinki, teraktni amalga oshirish uchun bir marta ishlatiladigan telefon va hech qanday shifrlashsiz oddiy SMS kifoya qiladi", - deya ta'kidlab o‘tdi u.

Shuningdek, Durov Sankt-Peterburgdagi teraktga tayyorgarlik ko‘rishda Telegram’dan foydalanishgani borasidagi ma'lumotlarga gumon bilan qarashini bildirdi.