«Napoli» jamoasi va Argentina terma jamoasi sobiq hujumchisi Diyego Maradonaga Neapol shahri faxriy fuqarosi unvoni beriladi. Bu haqda RT xabar bergan.
Tantanali marosim Neapolning eng katta maydoni - Pyatstsa-del-Plebishitoda 5 iyul kuni bo‘lib o‘tadi, deb ma'lum qildi ANSA.
Maradona «Napoli»da 1984-1991 yillar davomida o‘ynagan. U jamoa tarkibida 259 uchrashuv o‘tkazdi va 115 gol urdi. Argentinalik «Napoli» bilan birga Italiyada ikki karra chempionga aylangan, shuningdek, UYeFA kubogi va Italiya kubogi, hamda mamlakat superkubogini qo‘lga kiritgan.
