Yana bir kollej yopilishi mumkin: ota-onalar rahbariyatni talabalarga qo‘l ko‘tarishda aybladi

Toshkent shahridagi X.Kalonov nomidagi Yunusobod kompyuter texnologiyalari professional kolleji talabalarining ota-onalari o‘quv muassasasi rahbariyatini o‘quvchilarga qo‘l ko‘tarishda ayblamoqda, deb xabar berdi Nuz.uz.

"Direktor va uning ikki o‘rinbosari talabalarni haqorat qilmoqda, ularni o‘qishga aloqasi bo‘lmagan ishlarni bajarishga majburlashmoqda va hattoki qo‘l ko‘tarishmoqda", - deya xabar beradi nashr.

Ota-onalarning ta'kidlashicha, ularning farzandlari kollejdan ba'zi joylari ko‘kargan holda qaytib keladi. O‘quvchilar tarsaki tushirish va gardanga urishlaridan shikoyat qilishgan.

Ayni damda ota-onalar barcha jabrlanganlar imzosini yig‘moqda va IIBBga ariza tayyorlashmoqda.

Avvalroq P.F.Borovskiy nomidagi Toshkent tibbiyot kollejining 1999 yilda tug‘ilgan, 17 yoshli talabasi Jasur Ibragimov o‘z kursdoshlari tomonidan kaltaklanib, olamdan o‘tdi.