Toshkent shahar IIBB YHXB axborot xizmati maʼlumotiga koʻra, yoʻl-transport hodisasi 23-sentabr kuni soat 09:20 atrofida Bogʻishamol koʻchasida sodir boʻlgan.
Asosiy yoʻl boʻylab harakatlanayotgan, 1973-yilda tugʻilgan haydovchi Spark avtomobilining rul boshqaruvini yoʻqotgan. Natijada avtomobil yoʻlning qatnov qismiga oʻrnatilgan yoʻl belgisi ustuniga urilgan.
Rasmiy xabarda jabrlanganlar haqida maʼlumot berilmagan. Holatni Toshkent shahar IIBB YHXB masʼul xodimlari oʻrganmoqda.
YHXB haydovchilarni yoʻl harakati qoidalariga qatʼiy rioya qilishga va charchoq holatida transport vositasini boshqarmaslikka chaqirgan.
