YeXHT tarixda birinchi marta bosh kotibsiz qoldi

Yevropada xavfsizlik va hamkorlik bo‘yicha tashkilot (YeXHT) o‘z tarixida birinchi bor bosh kotibsiz qoldi, deb yozmoqda «Kommersant'» gazetasi.

Nashrning ta'kidlashicha, tashkilot sobiq rahbari Lamberto Zanerning vakolati 30 iyun kuni yakuniga yetdi, shu tariqa YeXHT 1 iyuldan boshlab bosh kotibsiz qoldi.

«Bugun Avstriyaning Mauerbax shahrida YeXHT a'zo davlatlari TIV rahbarlarining norasmiy yig‘ilishi davomida tashkilotdagi chuqur inqirozdan chiqish yo‘li qidirib ko‘riladi», - deya yozadi gazeta.

Xabar qilinishicha, kadrlar bilan bog‘liq inqirozga yechim topishga Rossiya va AQSh o‘rtasidagi kelishmovchilik xalaqit bermoqda.