Pentagon IShID yetakchisi o‘lgani to‘g‘risidagi xabarni tasdiqlay olmaydi

AQSh mudofaa vazirligi, hozircha, IShID terrorchilik guruhi yetakchisi Abu Bakr Al Bag‘dodiy o‘limini tasdiqlovchi yetarli ma'lumotlarga ega emas. Shu boisdan, uning o‘lganini tasdiqlay olmaydi. Bu haqda 11 iyul kuni Reuters agentligi Pentagonga asoslangan holda xabar qilmoqda. 

Avvalroq, "As-Sumariya" telekanali Iroqning Naynavo viloyatidagi mahalliy manbaga asoslangan holda IShID jangarilari o‘z yetakchilarining o‘limi haqida kichik bayonot berganini xabar qilgan edi. Jangarilar yaqin orada "yangi xalifa" nomini ham aniqlab olishlarini bildirgan.