Tadbirkor Ilon Mask Oq uy maʼmuriyatiga maslahatchi sifatida qaytadi, deb maʼlum qildi mudofaa vaziri Pit Hegset.
Mask Pentagonning istiqbolli qurol va tizimlarni ishlab chiqish hamda joriy etishga qaratilgan «Meridian loyihasi» tadqiqot dasturiga rahbarlik qiladi.
Hegsetning maʼlum qilishicha, loyihaning umumiy maqsadi - AQSH hukmronlik qilishi kerak boʻlgan harbiy sohalarni va «egallanishi zarur boʻlgan imkoniyatlarni» tahlil qilishdir.
Ilon Mask Donald Tramp prezidentlik lavozimiga qaytganida uning atrofidagi eng nufuzli shaxslardan biri hisoblanardi. Tadbirkor bir necha oy davomida Hukumat ishini optimallashtirish departamentiga (DOGE) rahbarlik qildi, biroq tez orada u va Tramp oʻrtasida ochiq mojaro yuz berdi. Shundan soʻng, Mask maʼmuriyatni tark etdi.
2026-yil yozida Amerika ommaviy axborot vositalari Tramp va Mask oʻzaro munosabatlarni tiklagani haqida yozgan edi. Xabar qilinishicha, tadbirkor Kongressga saylovlar oldidan Respublikachilar partiyasini moliyalashtirishni qayta tiklashni rejalashtirmoqda.
