“O‘zbekiston havo yo‘llari” ba'zi ichki reyslarga reklama tariflarini o‘zgartirdi

“O‘zbekiston havo yo‘llari” Milliy aviakompaniyasi joriy yilning 2 avgustidan boshlab Toshkentdan Andijon, Farg‘ona, Namangan va teskari yo‘nalishlarda reklama tarifini o‘zgartirmoqda.

Aviakompaniya matbuot xizmati ma'lumotlariga ko‘ra, bir tomonga tashuvlarning yakuniy qiymati, yig‘imlarni hisobga olgan holda, 22 yevroni tashkil etadi. Avvalroq bu yo‘nalishlardagi tashuvlar qiymati bir tomonga yig‘imlarni hisobga olgan holda 17 yevroga teng bo‘lgan.

O‘zbekiston fuqarolari uchun to‘lov O‘zbekiston Markaziy bankining aviachiptalarni sotish kunidagi kursi bo‘yicha amalga oshiriladi.