Fransiyada fermer migrantlarga yordam bergani uchun shartli qamoq jazosiga mahkum etildi

Fransiyada sud fermer va faol Sedrik Geruni sudanlik va eritreyalik migrantlarga yordam bergani uchun to‘rt oyga shartli ravishda ozodlikdan mahrum qildi.

Bu haqda Le Monde yozmoqda.

Ta'kidlanishicha, bunday qaror Eks-an-Provans shahri apellyatsiya sudi tomonidan qabul qilingan.

Hukumat xabariga ko‘ra, Sedrik Geru Eritreya va Sudandan bo‘lgan taxminan 200 nafar migrantga yordam bergan. Erkak ularga Italiya chegarasini kesib o‘tishda ko‘mak ko‘rsatgan, shuningdek, oziq-ovqat bilan ta'minlagan.

Qayd etilishicha, joriy yilning fevralida fermer 3 ming yevrolik jarimaga tortilgan.

Avvalroq Yevropa ittifoqi aholisi 2016 yilda migrantlar hisobiga 1,5 millionga o‘sgani xabar berilgandi.