Barselonadagi teraktga aloqador bo‘lgan barcha terrorchilar yo‘q qilindi

Politsiya Barselonadagi teraktga aloqador bo‘lgan barcha jangarilarni yo‘q qildi. El Pais nashrining ma'lum qilishicha, Mussa Ukabir, Said A'lla va Muhammad Xichami Kambrils shahrida o‘ldirilganlar. Barselonada qo‘lga olish vaqtida o‘ldirilgan to‘rtinchi terrorchi, Jiron viloyatida yashagan Yunus Abuyoqub bo‘lgan.

Barselonadagi teraktdan keyin jinoyatchilar Audi mashinasida ketib, Kambrils shahrida to‘xtashdan bosh tortganlaridan keyin politsiyachilar tomondan otib tashlangandi.

Barcha jangarilar 17 yoshdan 24 yoshgacha bo‘lgan marokashliklardir. 

Ma'lumotlarga ko‘ra, teraktning bevosita ijrochisi sifatida Mussa Ukabir aytilmoqda. Politsiya fikricha, odamlar ustiga bostirib borgan yuk mashinasini u boshqargan.  

Mussa Ukabir avvalroq teraktga aloqadorlikda gumon qilingan Driss Ukabirning ukasi bo‘lib, u akasining pasportini o‘g‘irlab ketgan. Mussa akasining pasporti bilan Santa-Perpetua-de-Mogoda munitsipalitetida ikkita furgonni ijaraga olgan. U bir furgonni terakt uchun qo‘llagan, ikkinchisi esa Barselona yaqinida topilgan. Taxmin qilinishicha, jinoyatchi unda yashirinmoqchi bo‘lgan.

Oxirgi ma'lumotlarga ko‘ra, Barselonada amalga oshirilgan terakt oqibatida 15 kishi halok bo‘lgan, 130 dan ko‘proq odam jarohat olgan.