Toshkentdagi do‘kondan 9 mln so‘mlik mobil telefonlarni o‘margan shaxs ushlandi

Toshkent shahrining Shayxontohur tumanida noma'lum shaxs A.Navoiy ko‘chasi 44-uyda joylashgan “Grand Mobile Set” MChJga qarashli do‘konga kalit tanlash yo‘li bilan kirib, u yerdan ko‘p sonli mobil telefon apparatlarini o‘g‘irlab ketgan. Bu haqda O‘zbekiston Respublikasi IIV matbuot xizmati xabar berdi.

Ya'ni, Toshkent viloyati Zangiota tumani Beshrakat mahallasida yashovchi,  1986 yilda tug‘ilgan A.G‘.ga tegishli umumiy qiymati 9.200.000 so‘mlik 13 dona “Samsung”, 2 dona “iPhone”, 1 dona “Xiaomi”, 2 dona “HTC”, 8 dona “Nokia”, 2 dona “Seria”, 5 dona “Blackberry” rusumli mobil telefonlarini o‘g‘irlab ketgan.

Ichki ishlar organlari xodimlari tomonidan ko‘rilgan tezkor choralar natijasida mazkur jinoyatni Shayxontohur tumanida yashovchi, ishlamaydigan, muqaddam sudlangan, 1990 yilda tug‘ilgan Sh.B sodir etganligi aniqlanib ushlangan.

Mazkur holat yuzasidan O‘zR JKning 169-moddasi 2-qismi bilan jinoyat ishi qo‘zg‘atilgan. Tergov davom etmoqda.