Janubiy Koreya KXDR sinovlariga javoban o‘quv mashg‘ulotlari o‘tkazdi

Foto: Reuters

J.Koreya qurolli kuchlari Shimoliy Koreya yadro sinoviga javoban ballistik raketalarni qo‘llagan holda mashg‘ulotlar o‘tkazdi, deb xabar qilmoqda Yonxap agentligi.

3 sentabr kuni KXDR vodorod bombasi sinovini muvaffaqiyatli o‘tkazgan edi. Sh.Koreya hukumatining ta'kidlashicha, yangi qurol QBRga o‘rnatilishi mumkin.

AQSh prezidenti Donald Tramp, o‘z navbatida, Pxenyanning navbatdagi yadro sinovidan so‘ng, KXDRga zarba berish ehtimolini rad etmadi.

Pentagon rahbari Jyeyms Mettis qo‘shimcha qilganidek, AQSh KXDRning o‘zi va ittifoqchilariga ko‘rsatayotgan har qanday tahdidiga munosib javob berishga tayyorligini aytgan edi.