Bekobod shahar IIBga 1975 yilda tug‘ilgan A.Z. ariza bilan murojaat qilib, noma'lum shaxs, hech kim yo‘qligidan foydalanib, oynani sindirish yo‘li bilan kirib, Bekobod shahri Istiqlol ko‘chasida joylashgan savdo do‘konidan narxi taxminan 13.332.000 so‘m bo‘lgan kompyuter jihozlari, noutbuk va oziq-ovqat mahsulotlarini o‘g‘irlaganligini ma'lum qilgan. Bu haqda Toshkent viloyati IIB xabar berdi.
Olib borilgan tezkor chora-tadbirlar natijasida ushbu jinoyatni Toshkent shahrida yashovchi 1996 yilda tug‘ilgan Sh.S. sodir etganligi aniqlanib, ushlandi.
Ushbu holat yuzasidan O‘zbekiston Respublikasi Jinoyat Kodeksining 169-moddasi bilan jinoyat ishi qo‘zg‘atilib, tergovni IIB olib bormoqda.
