Qum bo‘ronlari IShIDga qarshi amaliyotlar yakunlanishiga xalal bermoqda

Iroq hukumati ta'siridagi harbiy kuchlar Suriya bilan chegara yaqinidagi IShID qarorgohlaridan biri bo‘lmish Rava shahrini o‘rab olgan. Bu haqda TASS agentligi Livanning «Al-Mayadin» telekanaliga asoslanib xabar tarqatdi.

Iroq armiyasi tomonida turib jang qilayotgan «Hizbulloh» harakati vakilining aytishicha, hozirda harbiylarning hujumga o‘tishiga hududda ro‘y berayotgan qum bo‘ronlari to‘sqinlik qilmoqda. Yaqin 48 soat ichida bo‘ron tinib, shturm boshlanishi kutilmoqda. Shahardan 10 km shimoldagi Al-Kaim shahrida ham 500 nafarga yaqin jangari himoyalanmoqda. Telekanal xabarida qayd etilishicha, Iroq harbiylari Rava olingach, Al-Kaimga hujum qiladi.

Bundan avvalroq Bashar Asad armiyasi Suriyadagi jangarilarning «eng ilg‘or» kuchlarini tor-mor qilgani haqida xabar berilgandi.