Adliya vazirligi telegramdagi kanalida qonunchilikdagi yangiliklar bilan tanishtirib boradi

Adliya vazirligi huquqiy axborotga, qonunchilikdagi yangiliklarga ehtiyoji bor, bunday yangiliklar bilan doimiy tanishib borish istagida bo‘lgan fuqarolarga murojaat qildi.

Adliya vazirlik bunday imkoniyatlarni telegramdagi «Huquqiy axborot» kanali orqali taqdim etadi va internet foydalanuvchilarini shu kanalga a'zo bo‘lishga chaqiradi.

Kanalda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi doirasida qabul qilinayotgan normativ-huquqiy hujjatlar, O‘zbekiston Respublikasida Ma'muriy islohotlar konsepsiyasining amalga oshirilishi to‘g‘risidagi hamda qonunchilikdagi boshqa yangiliklar, normativ-huquqiy hujjatlarga sharhlar, huquqiy infografikalar, aholiga qiziq bo‘lgan huquqiy masalalar bo‘yicha ma'lumotlar qisqa matnlarda berib boriladi.