Ikki mahalladosh janjali birining shifoxonaga yotqizilishi bilan yakunlandi

Yangiyo‘l tumanida, joriy yilning 23 oktabr kuni 1984 yilda tug‘ilgan Yegor Komlev (keltirilgan ism-familiyalar o‘zgartirilgan) mast holda  uyi oldida o‘zaro janjallashib, mahalladoshi 1990 yilda tug‘ilgan Baxtiyor Shirinbekovga o‘tkir tig‘li jism bilan urib, unga tan jarohati yetkazgan. 

Toshkent viloyati Ichki ishlar boshqarmasi axborot xizmatining xabar berishicha, natijada jabrlanuvchi og‘ir tan jarohati olib, shifoxonaga yotqizilgan. 

Ushbu holat yuzasidan Yegor Komlevga nisbatan O‘zbekiston Respublikasi Jinoyat Kodeksining 104-moddasi 1-qismi bilan (qasddan badanga og‘ir shikast yetkazish) jinoyat ishi qo‘zg‘atildi. Tergovni IIB olib bormoqda.