Germaniyada jamoat transporti uchun bir yillik chiptaga ega krossovkalar ishlab chiqildi 

Berlin transport boshqarmasi (BVG) Adidas kompaniyasi bilan birgalikda ishlab chiqqan sport poyabzali – Berlin metrosi vagonlaridagi o‘rindiqlar qoplamasi dizayni elementlariga o‘xshash bajarilgan va ichiga bir yillik chipta o‘rnatilgan snikerlarni taqdim qildi. Bu haqda boshqarma saytida ma'lum qilindi.

Snikerlar (sneakers, inglizcha to sneak so‘zidan “pinhona harakatlanish”) – sport poyabzalining krossovka va kedalar orasidagi turidir. U o‘z nomini rezina tagligi sababli beshovqin harakatlanish imkoni tufayli olgan.

Yangi snikerlar 500 juftdan iborat cheklangan seriyada chiqarilgan. Ular 16 yanvarda Berlindagi Adidas Originals do‘konlarida 180 yevrodan sotila boshlanadi. Ushbu poyabzalning e'tiborli tomoni, u 2018 yilning 16 yanvaridan 31 dekabrigacha jamoat transportining barcha turlarida bepul yurish imkonini beradi. Undagi bezaklar Berlin metrosi o‘rindiqlari qoplamasi dizaynidagi elementlarga o‘xshash bajarilgan.

“Endi BVG o‘rindiqlarining biz yoqtiradigan dizayniga ega eksklyuziv snikerlar bor. Bu poyabzal Berlin uchun alohida hodisa bo‘ladi. BVG’ning 90 yilliy yubileyida boshqarma madaniy obektga aylanayotgani juda sozdir”, deb aytgan BVG boshqaruv raisi Zigrid Nikuta.