Jami ta'lim olayotgan bakalavr bosqichidagi talabalar soni 288471 nafarni tashkil etgan bo‘lib, gumanitar sohada 121446 nafar, ijtimoiy soha, iqtisod va huquq yo‘nalishida 27418 nafar, ishlab chiqarish va texnik sohada 85539 nafar, qishloq va suv xo‘jaligi yo‘nalishida 23479 nafar, sog‘liqni saqlash va ijtimoiy ta'minot yo‘nalishida 18879 nafar, xizmatlar sohasida 11710 nafar talabalar ta'lim olmoqda.
2017 yilda bakalavr darajasiga ega bo‘lgan talabalar soni 62900 nafarni tashkil etib, ularning 18954 nafari davlat grantlari asosida ta'lim olgan. 2017 yilda bakalavriat bosqichini bitirganlarning 23995 nafarini qizlar tashkil etadi.
Bakalavriyat bosqichi bitiruvchilarining 43,8 foizi gumanitar soha, 10,7 foizi ijtimoiy soha, iqtisod va huquq yo‘nalishi, 28,0 foizi ishlab chiqarish va texnik sohasi, 7,4 foizi qishloq va suv xo‘jaligi yo‘nalishi, 4,4 foizi sog‘liqni saqlash va ijtimoiy ta'minot yo‘nalishi, 5,6 foizi xizmatlar sohasi bo‘yicha bitirgan.
