Ispaniya Kubogi yarim finalida 3 ishtirokchi nomi ma'lum, «Barselona» to‘rtinchisi bo‘lish uchun o‘ynaydi

11ta sariq kartochka ko‘rsatilgan o‘yinda «Valensiya» «Alaves»ga yutqazdi, ammo yarim finalga chiqdi

Ispaniya Kubogining chorak finali doirasida «Alaves» «Valensiya»ni mag‘lubiyatga uchratdi, ammo turnirni tark etdi. Vitoriyadagi «Mendisorrosa» stadionida bo‘lib o‘tgan o‘yinning asosiy va qo‘shimcha bo‘limlari 2:1 hisobida yakunlandi.

O‘yinning 73-daqiqasida Munir El-Haddodiy maydon egalarini oldinga boshladi. 4 daqiqa o‘tib Santyago Lorenso javob golini urdi. O‘yin oxirida Ruben Sobrino maydon egalarini yana oldinga olib chiqdi.

Ispaniya Kubogining 1/4 finalida o‘z maydonida kechgan uchrashuvda «Valensiya» ham  «Alaves» ustidan 2:1 hisobida g‘alabaga erishgandi, shu tufayli jamoalar qo‘shimcha bo‘limlarda g‘olibni aniqlashga harakat qilishdi, ammo boshqa gol urilmadi. Shundan keyin boshlangan penaltilar seriyasida esa mehmonlar jamoasi aniqroq harakat qilishdi — 3:2.

Shu tariqa, «Valensiya» Ispaniya Kubogi yarim finaliga yo‘l oldi, «Alaves» turnirni tark etdi.

Bungacha «Atletiko»ni mag‘lub etgan «Sevilya» va «Real»ni sensatsion ravishda ortda qoldirgan «Leganes» yarim final yo‘llanmasini hal qilgandi. Yarim finalning to‘rtinchi ishtirokchisi «Barselona» va «Espanol» o‘yinida aniqlanadi.

Ispaniya Kubogi
1/4 final
Ikkinchi uchrashuvlar
Alaves – Valensiya 2:1 (0:0, 2:1, 0:0, 0:0), penaltilar bo‘yicha - 2:3
Gollar: 1:0 – 73 Munir, 1:1 – 77 Santi Mina, 2:1 – 86 Sobrino.
Alaves – Sivera, Laguardia, Duarte, Agirregabiria, Eli (Demirovich, 85), Ibai Gomes (Munir, 72), Pina, Torres, Pedrasa, Sobrino, Gvidetti (Peres, 72).
Valensiya – Domenek, Ruben Vezu, Gayya, Montoyya, Gabriel (Garay, 23), Maksimovich (Santi Mina, 77), Parexo, Kondogbia, Gonsalu Gedesh, Vetto (Rodrigo, 59), Dzadza.
Penaltilar seriyasi
1:0, 1:1, 2:1, 2:2, 2:3.
Ogohlantirishlar: Torres (48), Maksimovich (50), Ruben Vezu (61), Pedrasa (66), Kondogbia (79), Munir (80), Parexo (85), Gonsalu Gedesh (93), Pina (96), Duarte (97), Santi Mina (103).
Birinchi uchrashuv: 1:2