FVV va bojxona chetga chiqayotgan fuqarolar o‘rtasida tushuntirish ishlarini olib bormoqda

2018 yilning 24-25 yanvar kunlari Toshkent viloyatining «G‘isht ko‘prik», «Navoiy», «Najimov» va «Yallama» chegara-bojxona komplekslarida FVV va DBQ xodimlari tomonidan chegaradan o‘tayotgan fuqarolar o‘rtasida tushuntirish ishlari olib borildi.

FVV matbuot xizmati xabariga ko‘ra, fuqarolar shaxsiy xavfsizlikka rioya qilish hamda zaruriyat bo‘lganda FVVning (+99871) 147-10-50 tezkor raqamiga murojaat qilishlari mumkin.

Tadbir davomida 2600 dan ortiq FVVning vizitkalari tarqatildi.

Favqulodda vaziyatlar vazirligi tomonidan tadbir respublika bo‘yicha o‘tkazilmoqda.

Eslatib o‘tamiz, avvalroq FVV Qozog‘istonga borishni rejalashtirayotgan O‘zbekiston fuqarolariga murojaat bilan chiqqandi.