Yevropa Ittifoqi yetakchilari ittifoqning Brexit’dan keyingi byudjyetini muhokama qilishadi 

Brexit’dan keyin Yevropa Ittifoqida qoladigan 27 ta davlat yetakchilari 23 fevraldagi norasmiy sammitda ittifoqning 2020 yildan keyingi davr uchun uzoq yillik moliyaviy rejasini muhokama qilishadi.    

Yevropa Ittifoqi muntazam ravishda uzoq yillik moliyaviy rejalarni (MFF) qabul qiladi. So‘ngra ular hisobga olingan holda Yevropa Ittifoqining har yillik byudjyetlari qabul qilinadi. MFF’ning joriy o‘lchami 1 trln yevroga yaqinni, ittifoqning bir yillik byudjyeti esa 150 mlrd yevroni tashkil qiladi.  

Ushbu byudjyetlar ko‘p jihatdan Yevropa Ittifoqiga a'zo davlatlar badallaridan tashkil topadi. Joriy 7 yillik moliyaviy reja 2014 yildan 2020 yilgacha bo‘lgan davrni qamrab oladi. Mos ravishda, keyingi reja 2021 yildan 2027 yilgacha davr uchun mo‘ljallanadi va u bo‘yicha hozirdanoq ish olib borilmoqda. Endi bu moliyaviy reja Brexit’dan keyin Buyuk Britaniyaning YeI byudjyetiga ancha ahamiyatga ega badallari hisobga olinmagan holda hisoblanadi. 

Yevropa Ittifoqida moliyaviy rejani isloh qilish bo‘yicha turli takliflar bildirmoqda:  Yevrokomissiya va Yevroparlament xarajatlar hajmini oshirishni va mablag‘larning yangi manbalarini topishni taklif qilmoqda. Shuningdek, byudjyet zaxirasi yaratish taklif qilinmoqda. Yevrokomissiya keyingi MFF bo‘yicha o‘zining yakuniy takliflarini may oyi boshigacha taqdim qiladi. So‘ngra bu takliflarning Yevroparlament va Yevrokengashda muhokama qilinishi boshlanadi.