Yevroittifoqdagi qator davlatlar rossiyalik diplomatlarni chiqarib yuborish masalasini ko‘rib chiqyapti

Yevropa ittifoqidagi ba'zi davlatlar GRU sobiq polkovnigi Sergey Skripalning zaharlanishi bo‘yicha ish tufayli rossiyalik diplomatlarni mamlakatdan chiqarib yuborish imkoniyatini muhokama qilmoqda. Bu haqda RIA «Novosti» manbaga asosan xabar berdi.

Manbaning so‘zlariga ko‘ra, Yevroittifoqdagi ba'zi davlatlar rossiyalik 23 nafar diplomatni chiqarib yuborgan Britaniya kabi ish ko‘rmoqchi.

Eslatib o‘tamiz, avvalroq Buyuk Britaniya hukumati Yevropadagi ittifoqchilarni rossiyalik diplomatlarni chiqarib yuborishga ko‘ndirmoqchi ekani xabar qilingandi.