BAAda firibgarlar har bir aldagan odami uchun bir yildan qamoq jazosi oldi

BAAda 200 mln dollarlik moliyaviy piramidani tashkil etgan firibgarlar 500 yildan ko‘proq qamoq jazosi olishdi. Bu haqda The National nashri xabar bermoqda. 

Ikki firibgarning qilmishidan 500 dan ko‘proq odam jabr ko‘rgan. Dubay sudi har bir firibgarlik holati uchun bir yildan qamoq jazosi tayinlagan.

Xorijlik firibgarlar “Pontsi sxemasi”dan foydalanishgan. Bunda birinchi investorlar yangi investorlarni jalb qilish hisobiga yuqori daromad oladilar.

Firibgarlarning jinoiy faoliyatiga 2016 yilda chek qo‘yilgan. Mablag‘lar BAA, Hindiston, Shimoliy va Janubiy Amerika davlatlarida qidirilgan. 25 ga yaqin bank hisob raqamiga taqiq qo‘yilgan.