TDYuU magistraturasiga qabul qilishda test sinovlari o‘tkaziladigan muddatlar o‘zgartirildi

Toshkent davlat yuridik universiteti magistraturasiga qabul qilishda test sinovlarini tashkil etish va o‘tkazish tartibi to‘g‘risidagi nizomga kiritilgan o‘zgartirish Adliya vazirligida ro‘yxatdan o‘tkazildi. Bu haqda vazirlik axborot xizmati xabar bermoqda.

O‘zgartirishga muvofiq, Toshkent davlat yuridik universiteti magistraturasiga qabul qilishda test sinovlari har yili avgust oyining 5 — 20-sanalari oralig‘ida o‘tkaziladi.

Eslatib o‘tamiz, ilgari TDYuU magistraturasiga test sinovlari ilgari 3–15 avgust sanalari oralig‘ida o‘tkazib kelingan.