23 iyul kuni Davlat oliy va kasbiy ta’lim muassasalariga qabul test sinovlari yakunlandi.
O‘n kun davomida o‘tkazilgan test sinovlarida qatnashishi belgilangan jami 664 609 nafar abituriyentdan 610 000 nafardan ortig‘i ishtirok etgan bo‘lsa, test sinovi topshirish tartib-qoidalarini buzgan 70 nafardan ziyod abituriyent jarayondan chetlatildi.
Test sinovi topshirgan abituriyentlar to‘plagan ballari asosida test sinovlarining 10-kuni natijalari 24 iyul kuni e’lon qilinadi.
Abituriyentlar 25 iyuldan boshlab, 15 kun davomida - 8 avgustga qadar (shu kuni ham) 2-bosqich tanlovda ishtirok etishlari, bunda ta’lim muassasalarini, ta’lim yo‘nalishlarini, ta’lim ustuvorliklarini va ta’lim shakllarini tanlashlari mumkin.
Yakuniy natija esa 2-bosqich tanlov muddati tugagandan keyin bir hafta ichida e’lon qilinadi.
