Nigeriyada oltin qazib oluvchilarga hujum qilinishi oqibatida 26 kishi halok bo‘ldi

Nigeriyaning shimolidagi Zamfara shtatida jangarilar tomonidan 26 kishi o‘ldirildi. Motosiklda bo‘lgan qurollangan kishilar Anka tumanidagi Kuru-Kuru qishlog‘i yaqinida oltin qazib oluvchilarga hujum qilgan. Bu haqda AFP ma'lum qildi. 

“Kuru-Kurudan bo‘lgan konchilar va ularga yordamga kelgan qo‘shni Jarkuka qishlog‘i vakillari halok bo‘lganlar”, deb aytgan Anka hokimiyati raisi Mustafo Gado Anka.

Zamfara politsiyasi vakili Muhammad Shaxu hujum bo‘lganini tasdiqlagan, biroq tafsilotlarni ma'lum qilishdan bosh tortgan.

Oxirgi vaqtda Zamfarada tovon puli olish maqsadida chora va odamlar o‘g‘irlanishi holatlari tez-tez sodir bo‘lmoqda. Shu sababli Nigeriya armiyasi shtat hududida o‘z kuchlarini joylashtirgan.